O Consello de Ministros aprobou un acordo polo que se autoriza a aplicación do Fondo de Continxencia destinado a financiar modificacións de crédito por un importe de 170 millóns de euros para atender o gasto relativo ás subvencións de transporte aéreo a residentes nas Comunidades Autónomas de Canarias, Baleares e as Cidades de Ceuta e Melilla, co resto do territorio español.
A asignación de Fondo de Continxencia que se contempla neste acordo ten como finalidade atender en concreto unha ampliación de crédito no Ministerio de Transportes, Mobilidade e Axenda Urbana para para atender o gasto relativo ás subvencións de transporte aéreo a residentes nas citadas comunidades e cidades autónomas.
A Lei de Orzamentos Xerais do Estado para o ano 2018 autorizou ao Goberno para que, no ano 2018, e con vixencia indefinida, aumentase ao 75% a porcentaxe da bonificación para os traxectos entre as Canarias e Baleares e Ceuta e Melilla co resto do territorio español.
Para iso, aprobouse o Real Decreto 949/2018, do 27 de xullo, polo que se modifica a contía da subvención ao transporte regular aéreo e marítimo dos residentes nos territorios sinalados co resto do territorio nacional. Por este motivo, para atender as bonificacións previstas no exercicio 2023 é preciso dispor do Fondo de Continxencia nunha contía de 170 millóns.