O número persoas rexistradas nas oficinas do Servizo Público de Emprego Estatal (SEPE), ao finalizar o mes de marzo, baixou en 48.755 persoas (-1,67%) en relación co mes anterior. Este descenso relativo é o maior das últimas dúas décadas.
É un dato especialmente positivo nun contexto económico internacional financeiro internacional de incerteza, especialmente no ámbito financeiro.
O paro rexistrado situouse en 2.862.260 persoas, a cifra máis baixa nun mes de marzo desde 2008.
O paro por sexo e idade
En relación ao mes de febreiro, o desemprego feminino diminúe en 25.897 mulleres (-1,48%) e sitúase nun total de 1.718.323, a cifra máis baixa nos últimos 15 anos.
Nos dous últimos anos, o paro rexistrado feminino descendeu en 559.776 mulleres.
O desemprego masculino baixa en 22.858 homes (-1,96%) ata un total de 1.143.937.e o feminino en 1.718.323 diminúe en 25.897 (-1,48%) en relación ao mes de febreiro.
O desemprego dos mozos menores de 25 anos descende no mes de marzo en 267 persoas (-0,12%) respecto do mes anterior. É a primeira vez nos últimos 9 anos que o paro baixa entre os mozos nun mes de marzo.
A cifra de mozos menores de 25 anos parados sitúase en 215.099, a menor nun mes de marzo de toda a serie histórica.
Contratos asinados
O número total de contratos rexistrados durante o mes de marzo foi de 1.315.095. Deles, 615.674 contratos de traballo de carácter indefinido que representan o 46,82% de todos os contratos.
Prestacións por desemprego
Os beneficiarios existentes a final do mes foron 1.863.952. A cobertura do sistema de protección por desemprego durante o mes de febreiro de 2023 foi do 68,11%.
O gasto medio mensual por beneficiario, sen incluír o subsidio agrario de Andalucía e Estremadura, no mes de febreiro de 2023 foi de 1.070,7 euros.
O importe total de prestacións situouse en 1.952,7 millóns de euros no mes de febreiro.