Barcelona, 16 de xullo de 2024.- O Ministerio do Interior e o Departament d’Interior chegaron a un acordo para pechar o plan de seguridade e repartición de funcións para o evento da Copa América de vela 2024 (America’s Cup 37) que se celebrará entre o 22 de agosto e o 27 de outubro en Barcelona.
Este é un evento de relevancia global, pero tamén supón un reto para os corpos policiais e de emerxencias debido á súa complexidade xa que se trata dun evento deportivo que se estende durante dous meses e medio, afecta os espazos de terra, mar e aire, nunha cidade como Barcelona, en período estival e dándolle a espazos como o mar un uso distinto ao habitual.
Por este motivo, en virtude do este acordo, o deseño e dirección do plan de seguridade foi encargado ao corpo de Mossos d’Esquadra e contempla a constitución dun Centro de Coordinación (CECOR) no que se englobarán todos os corpos policiais e de emerxencias que actúan en Catalunya, que traballarán de forma coordinada dentro das súas competencias.
Este martes, celebrouse unha reunión na Delegación do Goberno en Catalunya presidida polo delegado do Goberno, Carlos Prieto, o director xeral da Policía da Generalitat, Pere Ferrer, e o director xeral de Coordinación e Estudos do Ministerio do Interior, José Antonio Rodríguez, acompañados dos responsables policiais dos diferentes corpos de seguridade que actúan en Catalunya, na que se deu luz verde ao Plan Director de Seguridade que se executará durante o evento deportivo.
Nas bases do acordo establécense as funcións que corresponden a cada corpo policial. A Mossos d’Esquadra corresponderalle a seguridade cidadá e orde pública, policía administrativa, policía xudicial e de investigación tanto en zona terrestre como en ámbito portuario, ciberseguridade, protección de autoridades de Catalunya, policía aérea e de tráfico.
A Garda Civil terá as competencias e funcións de custodia do porto
e encargarase da seguridade dos espazos onde se celebren tanto as
regatas e os adestramentos da Copa América como do resto de actividades no mar territorial, sen prexuízo das que lles correspondan competencialmente.
Por parte da Policía Nacional, o acordo concreta que as súas funcións no
marco da Copa América, serán a protección de autoridades do Estado
e autoridades doutros países, apoio, se son requiridos, en funcións de
seguridade cidadá e mantemento da orde pública e desempeño das
funcións en materia de control de entrada e saída de cidadáns e de
estranxeiría.
A Garda Urbana na AC37 encargarase da regulación do tráfico, do
acompañamento dos desprazamentos das autoridades na cidade,
policía administrativa e control e vixilancia dos espazos públicos da
contorna da Copa América.
Por último, a policía portuaria desempeñará as funcións que lle son propias.
Na reunión púxose de relevo a importancia da coordinación entre
todos os corpos policiais implicados no despregamento, execución e
seguimento do plan director de seguridade para a regata así como na toma
de decisións de alto nivel e operativas do evento, unha colaboración que
sempre se mantivo entre todos eles.