O Ministerio de Agricultura, Pesca e Alimentación ampla en 876.364 euros a axuda extraordinaria aos agricultores de cultivo de secaño en Castela e León

• A nova axuda beneficiará a un total de 372 en Castela e León e vén sumarse aos 61,9M€ que o Goberno autorizou o pasado 21 de marzo e que beneficiaban a 35.000 agricultores • A nivel nacional, o Ministerio eleva a 258,9 millóns de euros o pago das axudas a produtores de terras de cultivo de secaño, arroz e tomate de industria • Un total de case 134.000 agricultores en España benefícianse desta liña de axuda, financiada con cargo aos Orzamentos Xerais do Estado, para compensar polas dificultades debidas á seca e á guerra en Ucraína • Os agricultores beneficiarios desta nova resolución recibirán o ingreso durante a primeira quincena do mes de maio

06 de maio de 2024. O Ministerio de Agricultura, Pesca e Alimentación publicou unha nova resolución de concesión de axudas a 2.458 titulares de explotacións agrícolas de terra de cultivo de secaño, arroz e tomate de industria, por un importe total de 7 millóns de euros, para compensar polas dificultades debidas á seca e á guerra en Ucraína. As axudas serán ingresadas nas contas bancarias dos agricultores durante a primeira quincena do mes de maio.

Con este novo pago, o importe desta axuda de Estado aboado polo Goberno elévase xa a 258,9 millóns de euros, dos que se beneficiaron 133.946 agricultores, o que supón o 96% do orzamento total desta liña.

Esta axuda foi aprobada polo Goberno mediante o Real Decreto-lei 4/2023, do 11 de maio, polo que se adoptaron medidas urxentes en materia agraria e de augas en resposta á seca e ao agravamento das condicións do sector primario derivado do conflito bélico en Ucraína e das condicións climatolóxicas.

A relación de titulares de explotacións agrícolas que recibirán estas axudas, xunto con o número de hectáreas elegibles e a contía da axuda a percibir pódese consultar no taboleiro de anuncios da sede electrónica do FEGA.

A distribución por comunidades autónomas das axudas desta resolución é a seguinte:

Comunidade Autónoma	Nº titulares de explotacións	Importe total €
Andalucía	705	2.168.847
Aragón	221	743.172
Illas Baleares	17	12.653
Canarias	1	355
Castela-A Mancha	571	1.915.900
Castela e León	372	876.364
Cataluña	183	227.136
Estremadura	240	641.874
Madrid	30	197.686
Murcia	31	79.105
Navarra	49	113.472
País Vasco	3	4.070
A Rioxa	17	18.302
C. Valenciana	18	33.070
TOTAL	2.458	7.032.006

Nota: as axudas asígnanse á comunidade autónoma na que se xestiona a solicitude única da PAC 2023.

O número total de beneficiarios e o importe total da axuda concedida ata o momento é de:

Comunidade autónoma	Nº titulares de explotacións	Importe total €
Andalucía	19.574	40.642.744
Aragón	16.614	38.064.277
Illas Baleares	1.049	743.687
Canarias	36	15.506
Cantabria	12	5.981
Castela-A Mancha	32.155	69.574.523
Castela e León	35.913	62.836.772
Cataluña	10.313	12.379.668
Estremadura	8.242	16.254.943
Madrid	1.187	3.719.097
Murcia	1.222	2.067.753
Navarra	4.365	7.736.804
País Vasco	837	2.028.381
A Rioxa	1.350	1.651.143
C. Valenciana	1.077	1.223.692
TOTAL	133.946	258.944.971

Nota: as axudas asígnanse á comunidade autónoma na que se xestiona a solicitude única da PAC 2023.

Os titulares que figuran nesta resolución de concesión son aqueles que xa estaban incluídos na publicada o 20 de marzo, pero aos que se denegou o pagop porque non se atopaban á corrente das súas obrigas tributarias e coa Seguridade Social, e aos que se lles concedeu un prazo dun mes para regularizar a súa situación.

A resolución publicada recolle igualmente aqueles titulares aos que se lles denegou o pago por detectarse que non están á corrente das súas obrigas tributarias ou coa Seguridade Social.

Esta resolución non inclúe aos titulares que presentaron algún tipo de alegación que, debido á súa complexidade, foron remitidas ás correspondentes comunidades autónomas para as súas análises e estudo. Posteriormente procederase á resolución das mesmas e, se procede, ao pago da axuda.

Hai dispoñible máis información nesta ligazón á páxina web do FEGA.