Renfe programa viaxes de simulación comercial dos novos trens S106

• Los trayectos en trenes AVE desde Madrid a Galicia y Asturias simulan la explotación comercial de un viaje tipo con viajeros • Se están desarrollando estos días, de cara a la puesta en servicio comercial el próximo 21 de mayo

Madrid, 29 de abril de 2024 (Renfe).

Renfe programou viaxes de simulación comercial con viaxeiros nos novos trens S106 en varios traxectos entre Madrid e Galicia e Madrid e Asturias. A compañía está a realizar estas viaxes, que emulan a explotación comercial dunha viaxe tipo, de face á posta en servizo comercial o próximo día 21 de maio dos novos trens.

Renfe iniciará nesa data de maio as viaxes en trens AVE entre Madrid a Oviedo e Xixón, o que supón a estrea do AVE en Asturias; e as novas conexións AVE a Galicia, ás cidades de Vigo, A Coruña, Santiago de Compostela, Pontevedra e Vilagarcía de Arousa. As simulacións comerciais realízanse co fin de medir, simular, practicar e comprobar todas as fases da propia explotación comercial.

Nestas probas, algunhas delas con “viaxeiros simulados” procedentes do ámbito ferroviario, comprobaranse todos os aspectos relevantes na explotación comercial, tanto a nivel de instalacións, como de servizos, secuencias e fases do propio persoal no que incumbe á súa formación, adestramento e idoneidade.

Xa se realizaron viaxes de simulación con viaxeiros entre Madrid e Xixón, con paradas en Segovia, Valladolid, Palencia, León e Oviedo, e regreso, a semana pasada. E no traxecto entre Madrid e Vigo e regreso, con paradas en Zamora, Ourense, Santiago de Compostela, Vilagarcía e Pontevedra. Tamén se levarán a cabo entre Madrid e A Coruña, con paradas en Zamora, Ourense e Santiago de Compostela nos próximos días. Así como outras viaxes de simulación comercial sen viaxeiros en ambas as liñas de Alta Velocidade.

Renfe xa ten formado ao seu persoal de condución e intervención a bordo para pór en servizo os novos S106, se ben estas viaxes de simulación comercial forman parte do proceso habitual da posta en marcha dun novo servizo con todos os seus compoñentes, para afrontar o día a día destes traxectos xa con viaxeiros a bordo.

O traxecto realízase cos novos trens de Talgo modelo S106 (Avril). Son trens que ofrecen máis de 500 prazas. A distribución dos seus doce coches realízase entre coches con butacas en disposición de 2+2, e 3+2.

Renfe pretende extraer as conclusións destas simulacións co fin de axustar todos os aspectos necesarios para unha viaxe destas características, e mesmo implementar algunha nova situación se así se vise aconsellable. Desta forma asegúrase o desenvolvemento satisfactorio do novo servizo, que chegue ao viaxeiro coa calidade, compromiso e excelencia da marca AVE de Renfe.