O paro baixa en 704 persoas en Castela e León en febreiro e sitúase nos 115.380

• Na actualidade, hai 8.712 persoas en situación de desemprego menos que hai un ano, o que representa unha caída interanual superior ao 7% • Por provincias, Segovia e Soria rexistran o mellor comportamento tras anotar unha caída o pasado mes do 2,67% e 2,75% • No lado contrario, sitúase León, a única provincia que rexistra un aumento do paro, ao incrementar en 63 persoas • No conxunto nacional, o paro baixa en 7.452 persoas en febreiro e sitúase en 2.760.408, a cifra máis baixa desde 2008 neste mes

4 de marzo de 2024.- O número de persoas desempregadas rexistradas nas oficinas do Servizo Público de Emprego Estatal (SEPE) en Castela e León ao finalizar o mes de febreiro reduciuse en 704 persoas en relación co mes de xaneiro (-0,61%).

O total situouse en 115.380 persoas, 8.712 menos que en febreiro de 2023 (-7,02%).

En cando aos datos de afiliados á Seguridade Social en Castela e León, rexistráronse 21.257 afiliados máis no último ano, e sitúase nos 954.311 na Comunidade. Hai 3.616 afiliados máis no último mes, o que supón un incremento do 0,38% en Castela e León.

O paro por sectores en Castela e León

Respecto do mes de xaneiro, o paro descende en Servizos en 415 persoas (-0,50%), Construción en 160 persoas (-2,17%), Industria en 196 persoas (-2,12%) e en Agricultura en 74 persoas (-1,47%).

O desemprego aumenta entre o colectivo Sen Emprego anterior en 141 persoas (1,22%).

O paro por sexo e idade en Castela e León

O desemprego feminino sitúase en 68.275 mulleres ao diminuír en 223 (-0,33%) en relación ao mes de xaneiro.

En canto ao desemprego masculino, sitúase en 47.105 homes tras baixar en 481 (-1,01%).

O desemprego dos mozos menores de 25 anos ascende no mes de febreiro en 266 persoas (2,88%) respecto do mes anterior e sitúase en 9.489.

O paro noutras comunidades autónomas

Sobe en seis comunidades autónomas con Aragón (667), Comunidade de Madrid (465) e Comunidade Foral de Navarra (374) á cabeza.

O paro rexistrado en febreiro baixa en 11 comunidades autónomas. As maiores caídas en cifras absolutas prodúcense en Andalucía (-4.110) e Comunitat Valenciana (-1.552).

Contratación en febreiro en Castela e León

O número total de contratos rexistrados durante o mes de febreiro foi de 47.085.

Rexistráronse 18.432 contratos de traballo de carácter indefinido, representan o 39,15% de todos os contratos.

Prestacións por desemprego en Castela e León

Os beneficiarios existentes a final do mes foron 74.924.

O prazo medio de recoñecemento do mes de xaneiro de 2024 foi de 0,79 días.

A taxa de cobertura do sistema de protección por desemprego durante o mes de xaneiro de 2024 foi do 79,27%.

O gasto medio mensual por beneficiario no pasado mes de xaneiro foi de 949€.

Os gastos totais de xaneiro de 2024 ascenderon a 80,83 millóns de euros.