Renfe forma en León aos maquinistas dos S106

• O persoal de condución prepararase de face á estrea dos novos trens, que se empregarán nos traxectos de AV que conectan Castela e León con Asturias e Madrid • Coa chegada dos S106, Renfe implantará máis prazas, máis frecuencias, recorte nos tempos de viaxe e a chegada dos servizos AVE e Avlo

2 de febreiro de 2024.- Renfe formará en León aos maquinistas dos novos trens S106. Axentes de condución desta residencia prepararanse para o manexo deste novo material, que Renfe empregará nos traxectos de Alta Velocidade (AV) pola Variante de Palleiras na conexión de Castela e León con Asturias e nas conexións con Madrid.

Os cursos de formación de maquinistas (que inclúen teoría e práctica) impartiranse de forma paulatina aos axentes de condución de León. Comezarán a súa formación teórica en material S106 en pouco días, o 12 de febreiro.

A formación de maquinistas en trens S106, ademais de con persoal de León, tamén se está levando a cabo noutras residencias. A Coruña, Ourense, Madrid ou Barcelona e, en breve, en Oviedo.

Coa chegada dos S106 Renfe implantará progresivamente este ano unha segunda fase de explotación comercial dos servizos de AV Asturias-Madrid.

A un incremento de prazas (a capacidade destes trens case duplica a dos que circulan na actualidade) e máis frecuencias, unirase unha nova redución dos tempos de viaxe e a implantación de novos servizos AVE e Avlo.