O Goberno tramita 9.542 prestacións por nacemento e coidado do menor en Castela e León cun gasto de 64.88 millóns de euros

• A Seguridade Social tramitou 4.537 prestacións correspondentes ao primeiro proxenitor e 5.005 ao segundo. Por provincias, Valladolid foi onde máis permisos se tramitaron con 2.260 casos • Na Comunidade tramitáronse 1.337 excedencias por coidado familiar, un 41,4% máis que en 2022. O 88% do total foron a mulleres • En España cursáronse 231.775 permisos por nacemento e as prestacións ascenderon a 1.678,5 millóns de euros

28 de xullo de 2023.- O Goberno de España, a través da Seguridade Social, tramitou en Castela e León un total de 9.542 prestacións por nacemento e coidade do menor durante os seis primeiros meses de ano segundo informou o Ministerio de Inclusión, Seguridade Social e Migracións. O gasto na Comunidade ascendeu a 64.88 millóns de euros. Ademais, tramitáronse 1.337 excedencias por coidado familiar. En España cursáronse 231.775 permisos e as prestacións ascenderon a 1.678,5 millóns.

Das 9.542 prestacións cursadas en Castela e León entre os meses de xaneiro e xuño, 4.537 corresponderon ao primeiro proxenitor e 5.005 ao segundo. Valladolid é a provincia no que se cursaron máis solicitudes (2.260). O resto de tramitacións na Comunidade foi a seguinte: Ávila (621), Burgos (1.587), León (1.482), Palencia (609), Salamanca (1.299), Segovia (712), Soria (420) e Zamora (552).

A duración media desas prestacións por nacemento e coidado de menor en Castela e León foi de 107,72 días.

O gasto desas prestacións foi de 64.88 millóns de euros correspondendo o maior deles a Valladolid (16.27). As prestacións por provincia por nacemento e coidado do menor no resto de Castela e León foi o seguinte: Ávila (3.91), León (9.75), Palencia (4.10), Salamanca (8,06), Segovia (4,74), Soria (2.97) e Zamora (3,39).

Por outra banda, durante eses seis primeiros meses do ano tramitáronse en Castela e León 1.337 casos por coidado familiar dos que un 88%, 1.186 casos corresponderon a mulleres, e 150 a homes. A variación é de 41,1% (392) respecto de 2022.

Por provincias, o maior número de excedencias deuse en Valladolid con 344. As solicitudes no resto de provincias de Castela e León foi a seguinte: Ávila (73), Burgos (265), León (187), Palencia (96), Salamanca (151), Segovia (76), Soria (50) e Zamora (95).

A NIVEL NACIONAL HOUBO 231.775 PRESTACIÓNS

A Seguridade Social tramitou 231.775 prestacións por nacemento e coidado de menor nos primeiros seis meses de 2023, dos cales 109.731 corresponderon ao primeiro proxenitor, habitualmente a nai, e 122.044, ao segundo proxenitor, normalmente o pai.

O gasto na prestación por nacemento e coidado de menor entre xaneiro e xuño deste ano/este ano foi de 1.678,5 millóns de euros. No mesmo semestre de 2022, esta cifra situouse en 1.596,5 millóns, o que supón un incremento do 5,1%.

A prestación por nacemento e coidado de menor, que substituíu ás antigas prestacións de maternidade e paternidade, entrou en vigor o 1 de xaneiro de 2021 e supuxo a equiparación completa de ambas as. Na actualidade, o permiso é de 16 semanas para ambos os proxenitores e recoñécese como un dereito individual e non transferible. Das 16 semanas, seis delas deben gozarse inmediatamente despois do parto ou resolución xudicial ou administrativa nos casos de adopción, garda ou acollemento. O resto do tempo pode disporse en períodos sucesivos.

A contía destas prestacións é equivalente á base de cotización por continxencias comúns do mes anterior ao parto, adopción, garda ou acollemento, e abóase directamente polo Instituto Nacional da Seguridade Social (INSS) durante as semanas que dura o permiso.

Por comunidades autónomas, o maior número de prestacións por nacemento e coidado de menor recoñeceuse en Andalucía (43.262), Cataluña (41.297), Madrid (39.965) e a Comunidade Valenciana (23.909).

A duración media das prestacións por nacemento e coidado de menor activas nos primeiros seis meses de 2023 foi de 107,2 días no caso das mulleres, e de 99,2 días no caso dos homes. Para facer este cálculo, consideráronse os períodos interrompidos e eliminouse a duplicidade de expedientes por pluriempleo.

O Instituto Nacional da Seguridade Social ofrece a posibilidade de solicitar a prestación por nacemento de forma telemática, a través do portal A túa Seguridade Social (https://sede.seg-social.gob.es/) e a través do formulario en https://tramites.seg-social.es/acceso/prestacion-nacemento-coidado-menor.html

Tamén se poden solicitar telematicamente os períodos sucesivos de descanso por nacemento ou coidado do menor, se os proxenitores optan por dividir o período.

EXCEDENCIAS POR COIDADO DE FILLO/A MENOR ACOLLIDO Ou FAMILIAR

Doutra banda, o número de excedencias dadas de alta no primeiro semestre do ano foi de 24.942, das que 21.089 corresponderon a mulleres, o 84,5%, e 3.853 a homes, o que equivale ao 15,4%.

O número de excedencias aumentou de media un 45,5% respecto do mesmo período do exercicio 2022. No entanto, a cifra sitúase en niveis similares aos dos anos previos á pandemia.

Madrid (5.101), Cataluña (3.717), Andalucía (2.844), Comunidade Valenciana (2.685), e País Vasco (2.121) son as comunidades autónomas con máis excedencias tramitadas.

En todas as comunidades autónomas rexistráronse máis excedencias que o ano pasado. As principais subidas no primeiro semestre foron en Cantabria (72,8%), Galicia (68,6%) e Canarias (61,2%).

Os traballadores e traballadoras poden solicitar excedencia para atender a fillos/as ou menores acollidos ou para o coidado doutros familiares. Os tres primeiros anos de excedencia para o coidado dun fillo/a ou menor acollido teñen a consideración de período de cotización efectiva para efectos das prestacións da Seguridade Social por xubilación, incapacidade permanente, morte e supervivencia, maternidade e paternidade. Tamén se considera efectivamente cotizado, para efectos desas prestacións, o primeiro ano de excedencia para o coidado doutros familiares.