O ministro de Política Territorial e Memoria Democrática, Anxo Víctor Torres, visitou hoxe o municipio alacantino de Fageca, para facer seguimento directo dos traballos que se desenvolven co programa ‘A Administración preto de ti’, unha iniciativa que, en dous anos, alcanzou a 2.580 usuarios da Comunitat Valenciana, e que achega os trámites administrativos aos peqeños municipios.
Torres, que se reuniu co alcalde da localidade, Ismael Vidal, e cos rexedores doutros dez municipios da Comunitat Valenciana, destacou que hai dúas formas habituais para que os cidadáns realicen os seus trámites administrativos: de maneira virtual, para o que “se fixo un esforzo desde o Goberno de España no desenvolvemento da banda larga”; e de maneira presencial, co desprazamento do veciño ata a administración correspondente.