O ministro de Política Territorial e Memoria Democrática, Anxo Víctor Torres, mantivo este venres unha reunión co delegado do Goberno en Galicia, Pedro Blanco.
O ministro destacou que nos últimos cinco anos de Goberno con Pedro Sánchez como presidente a litigiosidad coas comunidades autónomas reduciuse considerablemente “e a nosa vontade vai ser a de negociar ao máximo para evitar chegar ao Tribunal Constitucional” e lembrou que, “sen ir máis lonxe, este verán asinouse un acordo coa Xunta sobre a Lei 3/2022, de áreas empresariais de Galicia”. O ministro asegurou que nestes momentos non hai pedimento de comisión bilateral desde Galicia, “pero a Xunta terá sempre a man tendida do Goberno de España”.