O secretario de Estado de Política Territorial, Arcadi España, puxo en valor durante a apertura do Consello Europeo das Linguas os avances realizados polo Goberno de España para promover e protexer o uso das linguas cooficiais do Estado.
O encontro, que contou con representantes de diversos ministerios e co Comité de Expertos da Carta Europea para as Linguas Rexionais ou Minoritarias, enmárcase na supervisión e avaliación que realiza este Comité de Expertos do ‘Informe de cumprimento das obrigas asumidas como Estado parte da Carta Europea para as Linguas Rexionais ou Minoritarias’, que o Goberno de España presentou o pasado 3 de agosto para o período 2017-2021.
Arcadi España destacou “a riqueza que supón para un país contar cunha pluralidade lingüística. A promoción das linguas cooficiais do Estado sempre se fai desde o diálogo coas autonomías e, ademais, agora tamén podemos servirnos dos recursos que nos/nos facilita o novo PERCHE da Nova Economía da Lingua”, subliñou.