O ministro de Política Territorial e Memoria Democrática, Anxo Víctor Torres, reuniuse coa xefa de Misión en España da a Organización Internacional para as Migracións (OIM), María Jesús Herrera.
No encontro, Herrera fixo entrega ao ministro dun informe que recolle, fundamentalmente, dous aspectos sobre o fenómeno. Por unha banda, as tendencias sobre os fluxos migratorios. “A ruta atlántica aumenta, en canto á chegada de pateras e caiucos ás custas de Europa, sobre todo, ás custas canarias, fronte ao Estreito”, indicou o ministro.
Doutra banda, o informe ocúpase das persoas desaparecidas no mar. “Xustamente hoxe coñecemos a chegada dunha embarcación con vinte falecidos ao Brasil, cando tentaban chegar a Canarias. A OIM cifra o aumento dun 20% máis de desaparicións con respecto ao ano anterior”, agregou Torres.