O ministro de Política Territorial e Memoria Democrática, Anxo Víctor Torres, fixo balance da retirada, tratamento e destrución de caiucos e pateras en Canarias, á que se comprometeu o 1 de decembro na súa visita ao porto da Restinga da illa dEl Hierro.
O ministro destacou que “en menos dun mes xa se retiraron 155 caiucos, 75 do porto dEl Hierro (A Restinga) e 80 do porto de Gran Canaria (Arinaga). A maior parte deles xa foron destruídos”. Anxo Víctor Torres, que se reuniu hoxe, xunto aos ministros do Interior, Fernando Grande Marlaska, e de Inclusión, Seguridade Social e Migracións, Elma Saiz, coa comisaria europea de Asuntos de Interior, Ylva Johanson, e o presidente de Canarias, Fernando Clavijo, remarcou que a medida foi posible en primeiro lugar cos 800.000 euros destinados a El Hierro, fondo aprobado polo Goberno o 28 de novembro, pola situación de emerxencia creada por saturación de caiucos e pateras no Porto dA Restinga.