A ministra de Política Territorial e portavoz do Goberno, Isabel Rodríguez, destacou que “a desconcentración de sedes de organismos públicos mellorará a calidade da nosa democracia, fortalecerá a transparencia e reforzará a eficacia das nosas institucións no servizo á cidadanía”.
Isabel Rodríguez, que presidiu a reunión da Comisión consultiva para a determinación das sedes das entidades pertencentes ao sector público institucional estatal, subliñou que a desconcentración de entidades de nova creación “contribuirá á aparición dunha nova cultura política en España, que achegue as institucións á cidadanía, que cree unha contorna máis permeable e transparente no proceso de toma decisións e facilite unha maior igualdade de oportunidades no acceso á función pública”.
A ministra remarcou o fin último deste compromiso do Goberno: “Fortalecer a vertebración do noso país e fomentar que as institucións públicas xoguen un ambicioso papel no impulso da cohesión social e territorial do noso país”.