A ministra de Política Territorial, Isabel Rodríguez, destacou o compromiso do Goberno de España coas entidades locais, “para que os concellos sexan unha panca fundamental no desenvolvemento do noso país e na recuperación económica”.
A ministra, durante a súa visita hoxe ao Concello de Mérida, subliñou as expectativas que xera hoxe o municipalismo na recuperación económica e recalcou o compromiso do Goberno de España coas entidades locais: “Por primeira vez, haberá 22.000 millóns de inxección aos concellos, para que poidan facerse cargo de todos os servizos coas coberturas especiais pola Covid-19 e apostando tamén pola recuperación económica”.
A ministra, quixo compartir unha xornada de traballo co alcalde de Mérida, Antonio Rodríguez Osuna, e os membros da súa corporación durante a súa visita ao Concello da capital estremeña, para repasar os plans municipais de actuación, a través dos fondos de recuperación europeos que xestiona o Goberno de España, “porque son a nosa esperanza para un futuro cargado de novas oportunidades empresariais e económicas, pondo en valor, no caso de Mérida, o seu patrimonio cultural e histórico”.