O ministro de Política Territorial e Función Pública, Miquel Iceta, reuniuse esta tarde, de forma telemática, cos delegados e delegadas do Goberno nas distintas Comunidades e Cidades Autónomas, con quen coincidiu na necesidade de seguir avanzando na coordinación entre a Administración Xeral do Estado e os seus representantes nos territorios.
Trátase do primeiro encontro que manteñen desde que Iceta accedese ao cargo. O ministro e os delegados e delegadas tamén coincidiron na necesidade de achegar á cidadanía as políticas públicas e abordaron o Plan estratéxico para a mellora dos servizos da AGE no territorio.
As Delegacións do Goberno, adscritas orgánicamente ao Ministerio de Política Territorial e Función Pública, exercen a dirección e supervisión de todos os servizos da Administración Xeral do Estado e os seus Organismos públicos situados no seu territorio.
No encontro tamén participaron o secretario de Estado de Política Territorial e Función Pública, Víctor Francos; a secretaria xeral de Coordinación Territorial, Miryam Álvarez; e o director xeral da Administración Xeral do Estado no Territorio, Agustín Torres.