A ministra de Política Territorial e Función Pública, Carolina Darias, avanzou a aprobación, durante o presente semestre, do regulamento da Lei de Transparencia, así como a futura adhesión de España ao Convenio sobre o acceso a documentos públicos do Consello de Europa.
Carolina Darias, que presidiu a toma de posesión de José Luís Rodríguez Álvarez como presidente do Consello de Transparencia e Bo Goberno (CTBG), asegurou que o Goberno de España asumiu o “firme compromiso de impulsar a transparencia e o Goberno Aberto”; un compromiso de traballo permanente en accións do Ministerio que contribúan a que “a Administración pública siga avanzando cara ao logro dun bo goberno aberto, participativo e transparente e á realización de políticas públicas que melloren as condicións de vida de todas as persoas sen deixar a ninguén atrás”.