O secretario de Estado de Política Territorial e Función Pública, Francisco Hernández Spínola, anunciou a aprobación nos próximos meses do proxecto de Lei de Función Pública da Administración Xeral do Estado (AGE), reforma que quere “transformar profundamente o sistema de emprego público”.
Hernández Spínola, destacou os principios da nova Lei: igualdade de xénero, fomento da diversidade e a inclusión, mellora dos sistemas de xestión dos recursos humanos do sector público, introduce a carreira horizontal, a avaliación do desempeño e a regulación do directivo público. Ademais, aposta pola planificación estratéxica, a rendición de contas e a dirección por obxectivos, regulará novas modalidades de traballo, introducindo a responsabilidade social corporativa na AGE e fortalecerá a avaliación das políticas públicas.