A ministra de Política Territorial e Función Pública, Carolina Darias, subscribiu convenios sobre redución de cargas administrativas con empresarios, autónomos e discapacitados, co obxectivo de facilitar o labor de emprendedores, eliminar barreiras burocráticas e impedimentos nas relacións coa Administración Xeral do Estado.
A Administración Xeral do Estado (AGE) potencia así a participación activa do sector social e empresarial na política de redución de cargas administrativas a través da sinatura de convenios coas organizacións e asociacións máis representativas.
A ministra Carolina Darias sinalou o obxectivo principal destes convenios: “Eliminar obrigas innecesarias, ou reducir a frecuencia de pedimento de datos, ou facilitar a presentación electrónica de solicitudes, comunicacións e demais documentos. Estes convenios van contribuír a reducir as denominadas “cargas administrativas”.