A ministra de Política Territorial e Función Pública, Carolina Darias, reuniuse por videoconferencia hoxe luns co conselleiro vasco de Gobernación Pública e Autogoberno, Josu Erkoreka, co conselleiro galego de Facenda, Valeriano Martínez, e coa conselleira asturiana de Presidencia, Rita Camblor, dentro dos encontros que vai manter con todos os conselleiros e conselleiras autonómicos con competencias en materia de Función Pública, para avanzar en asuntos comúns na xestión e compartir a experiencia dos últimos meses en materias como gobernación e emprego público.
Mañá martes a ministra reunirase pola tarde co conselleiro andaluz de Presidencia, Administración Pública e Interior, Elías Bendodo, posteriormente coa consellera de Xustiza, Interior e Administración Pública da Comunitat Valenciana, Gabriela Bravo, e finalmente coa conselleira cántabra de Presidencia, Interior Xustiza e Acción Exterior, Paula Fernández Viaña.
