A ministra de Política Territorial e Función Pública, Carolina Darias, reuniuse esta tarde por videoconferencia cos sindicatos CSIF, UXT, CCOO e CIG, como representantes na Mesa Xeral de Negociación da Administración Xeral do Estado, con quen asinou por vía electrónica o acordo sobre medidas organizativas para a incorporación presencial progresiva dos empregados e empregadas públicas da Administración Xeral do Estado, no marco do Plan de Transición á Nova Normalidade.
O acordo alcanzado resúmese nos seguintes puntos: garantir a saúde das empregadas e empregados públicos, medidas no plano organizativo para o adecuado desenvolvemento das súas funcións, cumprindo todas as medidas de protección da saúde ditadas polas autoridades sanitarias, que se plasmará nunha resolución do Secretario de Estado de Política Territorial e Función Pública, cuxo contido se negociou entre Goberno e sindicatos, de face á súa aplicación na Administración Xeral do Estado e que serán obxecto de tratamento nas mesas delegadas e órganos de representación nos diferentes departamentos e organismos públicos.