A ministra de Política Territorial e Función Pública, Carolina Darias, xunto a representantes do seu departamento, reuniuse cunha delegación da Consellería de Presidencia de Castela e León, encabezada polo seu conselleiro, Anxo Mariano Ibáñez, para abordar asuntos destacados nas relacións do Goberno co executivo autonómico.
A ministra e o conselleiro repasaron distintas cuestións, como a reforma da finanicación autonómica, a particularidade de Castela e León pola súa extensión e o gran número de entidades locais que ten, o reto demográfico, a función pública e outros asuntos que seguirán abordando nun seguinte encontro que se celebrará en Valladolid.
A ministra Carolina Darias inicia así as reunións bilaterais que vai a manterner con representantes de todas as comunidades autónomas, dentro do compromiso de diálogo e cooperación que marca os obxectivos de traballo deste Goberno, e no marco dunhas relacións cordiais, con lealdade institucional, para seguir fortalecendo os servizos públicos e en beneficio da cidadanía.