- Reunión presidida pola ministra Carolina Darias e o conselleiro vasco Josu Erkoreka
- O Goberno traballa desde a firme vontade de diálogo e entendemento con todas as administracións territoriais e cumprindo os compromisos
- Neste sentido, o Goberno manifesta a súa vontade de diálogo para dar cumprimento ao disposto no Estatuto de Gernika
- Avánzase no calendario de materias susceptibles de ser negociadas, a través dun cronograma en catro bloques que se estenden ao longo de 2020 e 2021, con prazos realistas e concretos en materias complexas
A ministra de Política Territorial e Función Pública, Carolina Darias, e o conselleiro vasco de Gobernación Pública e Autogoberno, Josu Erkoreka, acordaron hoxe en Vitoria un calendario de traspasos das 32 competencias pendentes e recollidas no Estatuto vasco.
Os gobernos estatal e vasco coinciden en iniciar as negociacións, cuns prazos razoables, alcanzables e realistas, dentro da cooperación iniciada en Madrid, o pasado 5 de febreiro, que continuou hoxe no encontro de Vitoria, dentro dun clima de diálogo e cordialidade.