A súa Maxestade o Rei Don Felipe inaugura hoxe na Biblioteca Nacional a exposición, Azaña: intelectual e estadista. Aos 80 anos do seu falecemento no exilio, que vai permanecer aberta ao público ata o 4 de abril de 2021.

No acto, o Rei vai estar acompañado polo presidente do Goberno, Pedro Sánchez, a vicepresidenta e ministra da Presidencia, Relacións coas Cortes e Memoria Democrática, Carmen Calvo, o ministro de Cultura e Deporte, José Manuel Rodríguez Uribes e a presidenta do Congreso dos Deputados, Meritxell Batet.

Esta exposición enmárcase no programa de actividades preparadas polo Ministerio de Presidencia, Relacións coa Cortes e Memoria Democrática, a través da Secretaría de Estado de Memoria Democrática, para conmemorar o 80 aniversario da morte de Azaña.

Con esta exposición, que foi organizada pola Secretaría de Estado de Memoria Democrática, Acción Cultural Española e a Biblioteca nacional, quérese proporcionar unha imaxe completa de Manuel Azaña, na súa tripla dimensión: humana, intelectual e política, subliñando, ademais do seu labor como ministro, xefe do Goberno e presidente da República, a súa condición de intelectual de prestixio, así como as duras condicións do seu exilio, que concluíu co seu falecemento na cidade francesa de Montauban, onde o seu recordo segue presente oitenta anos despois.