Bases de datos
Biblioteca virtual de Prensa Histórica: Prensa Clandestina
Conta entre os seus fondos cunha valiosa colección de prensa clandestina, case 90.000 páxinas dixitalizadas pola Dirección Xeral do Libro, Arquivos e Bibliotecas do Ministerio de Cultura e Deporte, mediante un convenio coa Fundación de Investigadores Marxistas, que xestiona o arquivo hemerográfico do Partido Comunista de España.
Estes materiais son unha inestimable ferramenta para o estudo das actividades políticas dos grupos clandestinos que se opuxeron ao franquismo e, en particular, os do Partido Comunista e as organizacións que viraban en torno a el.
As 244 cabeceiras que conforman esta colección corresponden ao período comprendido entre 1932 e 1976 e foron publicadas en España, Alxeria, Colombia, Francia, Italia, Marrocos, México, Rusia, Venezuela, Uruguai, etcétera
Biblioteca virtual de Patrimonio Bibliográfico
Biblioteca dixital na que se ofrece aos cidadáns unha valiosa e crecente colección de reproducións facsímiles dixitais de manuscritos, libros impresos, fotografías históricas, materiais cartográficos, partituras e demais materiais que se conservan en institucións da memoria (arquivos, biblioteca e museos) e forman parte do Patrimonio Bibliográfico Español.
Ofrece -datos de marzo de 2021- en acceso aberto e gratuíto uns 24.000 libros impresos, 2.500 manuscritos, 5.135 materiais cartográficos (atlas e mapas), 84.500 materiais gráficos e fotográficos, 212 partituras, etc.
A colección máis valiosa para realizar un seguimento da Guerra Civil e a represión posterior constitúea a Fototeca, que recompila os arquivos fotográficos doutras institucións colaboradoras (Fototeca do Patrimonio Histórico, Fundación para a Etnografía e o Desenvolvemento da Artesanía Canaria ou a Fundación Pública Galega Camilo José Cela).
Portal de acceso ao patrimonio dixital e o agregador nacional de contidos a Europeana. Reúne as coleccións dixitais de arquivos, bibliotecas e museos españois, a data de xuño de 2021 contén 9.269.511 obxectos dixitais procedentes de 226 repositorios. Entre as coleccións colleitadas destacan os repositorios institucionais das universidades españolas e as bibliotecas dixitais das Comunidades Autónomas, que ofrecen acceso a conxuntos crecentes de todo tipo de materiais(manuscritos, libros impresos, fotografías, mapas...) do Patrimonio Bibliográfico español. Se se efectúa unha procura por Guerra Civil Española devolve 69.709 resultados.
