El delegado do Goberno en Galicia, Pedro Blanco, reivindicou esta mañá en Santiago os proxectos ILENIA e ALIA, que impulsa o Goberno de España en colaboración coa Universidade de Santiago para consolidar o galego como lingua tecnolóxica, “sempre cun enfoque aberto, pensado para transferir coñecemento e para competir nun ecosistema tan decisivo como o da intelixencia artificial”. Pedro Blanco puxo en valor o traballo do Goberno en prol do galego na exposición dos resultados do proxecto NÓS, no ámbito específico do ILENIA, xunto á directora xeral de Intelixencia Artificial do Ministerio para a Transformación Dixital e da Función Pública, Aleida Alcaide.

“El galego lidera, a galego suma, o galego une e demostra que un idioma nunca resta, un idioma multiplica”, asegurou o delegado quen remarcou que defender o idioma “é defender un país plural e diverso, e as administracións temos a responsabilidade de garantirlle o espazo e o respecto que merece”.

En esta liña, destacou o esforzo que está a levar a cabo o Goberno de España mediante o investimento de máis de 360 millóns de euros para dixitalizar o territorio galego. Son moitos os proxectos que fan avanzar a Galicia no reto da modernización tecnolóxica, pero ten especial valor o Proxecto NÓS, “aberto e colaborativo, que suma talento e xera futuro nun campo laboral con tanto futuro como a tecnoloxía punteira e a intelixencia artificial”.

Esta iniciativa é a versión galega do proxecto ILENIA, financiado no marco do PERCHE da Nova Economía da Lingua. Puxo en valor tamén o proxecto ALIA, unha iniciativa pioneira na Unión Europea que persegue proporcionar unha infraestrutura pública de recursos de IA e que o fai tanto en castelán como en galego, catalán e eúscaro. Está impulsada pola AESIA, instalada na cidade da Coruña.

O delegado fixo fincapé na posición de Galicia como unha referencia no campo da IA da man do Goberno de España, “coa chegada da AESIA á Coruña, a futura fábrica de IA no ámbito da saúde, ou a nova sede do CESGA aquí, en Santiago”.

Ahora bien, o delegado sinalou que o Goberno non vai parar, dinamizando no territorio galego a formación e capacitación en intelixencia artificial para estudantes, profesionais e cidadanía; acelerando a dixitalización; impulsando a innovación sen deixar a ninguén atrás; e apoiando ás nosas empresas e pemes, porque non hai transformación dixital sen un tecido produtivo forte”. Neste sentido, o delegado trasladou o seu agradecemento a todo o tecido educativo, empresarial e social galegos que fan posible este camiño cara unha tecnoloxía e unha intelixencia artificial responsables, éticas e transparentes, “centradas nas persoas e útiles para toda a sociedade, comprometidas ademais co seu idioma”.