A subdelegada do Goberno en Lugo, Isabel Rodríguez, presidiu hoxe a Xunta Local de Seguridade de Cervo xunto á alcaldesa, Dolores García, para supervisar o dispositivo con motivo da ‘Festa dA Maruxaina’.
El evento, declarado ‘Festa de Interese Turístico Galego’, celébrase en San Cibrao no segundo sábado de agosto, o día 9. A cita lúdica e cultural recolle a lenda sobre o xuízo popular á Maruxaina, que lle dá nome.
Cervo tamén prepara as festas patronais na honra de San Roque, que terán o seu día grande o venres día 15 de agosto. Así mesmo, celébranse a 'Festa do Ovo Frito' e a 'Queimada Popular de Cervo’.
Isabel Rodríguez sinalou a importancia de manter e promocionar as tradicións para reforzar o sentido de identidade, e potenciar o atractivo turístico e a actividade económica.
Ademais, a subdelegada do Goberno en Lugo subliñou a profesionalidade demostrada polos axentes da Garda Civil e valorou o apoio que ofrece a Policía Local.