O delegado do Goberno en Galicia, Pedro Blanco, destacou esta mañá en Vigo o compromiso do Goberno coa formación dixital da mocidade “para combater os discursos de odio nas redes”. Pedro Blanco visitou unha das formacións do Programa Campamentos Dixitais que impulsa o Ministerio de Mocidade e Infancia e en colaboración, en colaboración coa Fundación Cibervoluntarios. Estivo acompañado pola concelleira de Educación de Vigo, Olga Alonso, e polo responsable de Incidencia Social e Cultural da entidade, Antonio Pulido.
Pedro Blanco destacou que estes cursos “representan unha necesidade democrática” para protexer á xente nova dos perigos que esconde a internet, fomentar o seu pensamento crítico e, ao mesmo tempo, aprenderlles a gozar da tecnoloxía. “O Goberno actúa para impulsar unha sociedade inclusiva, plural e respectuosa, contrarrestando o avance dos discursos de odio con educación, datos e impulso aos valores democráticos”, sinalou o delegado, quen neste sentido tamén destacou a necesidade dunha formación dixital idónea, “porque educar en valores e seguridade dixital é investir no futuro e no progreso dun país”.
Campamentos dixitais
Por todos estes motivos, Pedro Blanco agradeceu o seu labor á Fundación Cibervoluntarios por realizar a iniciativa dos Campamentos Digitales como o que se leva a cabo ena Vigo e en milleiros de vilas e cidades de Galicia e de toda España, así como tamén destacou a estreita colaboración do concello olívico para desenvolver estas actividades ao prestar varias das súas instalacións.
“Con estes Campamentos Dixitais, que financiamos desde o Goberno co Plan de Recuperación, imos chegar os 4.400 galegos, máis de 400 só en Vigo”, incidiu Pedro Blanco. Por provincias, en Pontevedra formaranse uns 1.370 mozos e mozas, en Lugo facer 570 beneficiarios e beneficiarias, en Ourense reciben e recibirán a formación uns 650 e nA Coruña superaranse os 1.800 mozos e mozas usuarios.
O Programa de Competencias Dixitais para a Infancia, que promove estes campamentos, está dotado con 220 M€ do Plan de Recuperación, Transformación e Resiliencia. Con el, o Ministerio de Mocidade e Infancia forma en toda España a 950.000 menores. Os Campamentos Dixitais, que se promoven con estas partidas, responden á necesidade de que a infancia e a mocidade conten con ferramentas adecuadas para desenvolverse nunha contorna cada vez máis dixitalizada. O obxectivo é formar no uso seguro e responsable da tecnoloxía, potenciar o talento dixital e fomentar o pensamento crítico entre os máis novos, con especial atención a aqueles en situación de maior vulnerabilidade dixital, ao ser estas actividades completamente gratuítas para as e os usuarios.