Pedro Blanco avanza no compromiso do Goberno coa igualdade de xénero na súa reunión coa directiva de Executivas de Galicia

El delegado do Goberno en Galicia, Pedro Blanco, mantivo unha reunión esta mañá coa nova directiva de Executivas de Galicia, no seu despacho da Delegación do Goberno. Nesta reunión analizaron o momento económico de Galicia e trazaron liñas para seguir afianzando o papel da muller no mundo empresarial galego, un propósito que comparte o Goberno con esta entidade. Así mesmo, abordaron a necesidade de reforzar as medidas de conciliación, fomentar a corresponsabilidade e avanzar cara a unha maior presenza feminina nos espazos de decisión.

Pedro Blanco agradeceu o seu labor pola igualdade ás súas interlocutoras, a presidenta de Executivas de Galicia, María del Carmen Costas Martínez; a secretaria, María García Fernández, e a vogal, María del Carmen López Gómez.