La conexión ferroviaria ao Porto Exterior de Ferrol recibe un novo impulso coa aprobación dunha axuda de 17 millóns de euros do fondo FEDER 2021-2027, grazas á mediación de Portos do Estado ante a Dirección Xeral de Fondos Europeos. La actuación quedará así incorporada ao Plan de Empresa da Autoridade Portuaria de Ferrol 2026 como investimento financiado ao 60% con fondos europeos, consolidando un proxecto esencial para o desenvolvemento económico e loxístico da comarca.
La subdelegada do Goberno nA Coruña, María Rivas, valorou moi positivamente esta noticia. "La aprobación desta nova axuda europea demostra o compromiso firme do Goberno de España coa comarca de Ferrol. Esta infraestrutura mellorará a competitividade do porto, atraerá máis investimentos e permitirá xerar emprego e actividade económica sustentable. A conexión ferroviaria ao porto exterior era unha débeda histórica e hoxe estamos máis preto de saldala."
A subdelegada destacou tamén o papel da colaboración institucional. "Portos do Estado, como organismo intermedio, tivo un papel crave para incluír este proxecto no período de financiamento europeo vixente. Este fito é fundamental para que Ferrol non quede atrás nos grandes retos do futuro, como a conectividade, a sustentabilidade e a reindustrialización”, destacou.
Esta obra, fundamental para a conectividade do porto de Ferrol, tivo unha axuda aprobada no marco comunitario anterior 2021-2020 con cargo aos fondos REACT de 59 millóns de euros, aínda que finalmente só puideron absorber 32 millóns de euros.
A nova conexión ferroviaria permitirá aumentar de forma significativa a capacidade de carga e descarga de Porto Exterior, reducindo tempos e custos loxísticos, e situando a Ferrol como referente no comercio marítimo nacional e internacional, especialmente en tráficos industriais e enerxéticos.
Esta actuación enmárcase nos obxectivos da UE para unha Europa máis conectada e máis verde, e forma parte do investimento global de 421 millóns de euros xestionados polo sistema portuario estatal durante o período 2021-2027, procedentes do Programa FEDER e do Fondo Europeo Marítimo de Pesca e Acuicultura (FEMPA).