La subdelegada do Goberno nA Coruña, María Rivas, convocou este xoves un minuto de silencio fronte á sede da Subdelegación, en sinal de rexeitamento e dor polos últimos asasinatos machistas rexistrados no noso país.
En apenas unha semana, foron asasinadas Zunilda Raquel (43 anos) en Fuengirola, Maritza (61 anos) en Xetafe e Alejandra (42 anos) xunto ao seu fillo Samuel (2 anos) en Algemesí. Con estes crimes, 17 mulleres foron asasinadas no que vai de 2025, e 11 criaturas menores de idade quedaron orfas por mor da violencia machista.
Durante o acto, María Rivas mostrou a súa indignación e pesar, trasladando o seu apoio e afecto ás familias e contornas das vítimas. “Cada unha destas mortes é un fracaso colectivo. E temos o deber de non calar máis. La sociedade enteira debe alzarse contra esta barbarie”, declarou.
A subdelegada lembrou que desde 2003 foron asasinadas 1.311 mulleres en España por violencia de xénero e desde 2013, 65 nenos e nenas asasinados por violencia de xénero contra a súa nai. A cifra de orfandade infantil por este motivo ascende xa a 480 menores.
A Subdelegación do Goberno insiste na importancia de utilizar os recursos dispoñibles:
• 016, teléfono de atención 24 horas.
• 112, servizos de emerxencia.
• 091 (Policía Nacional), 062 (Garda Civil) e aplicación AlertCops.
Estos medios poden ser utilizados pola vítima ou por calquera persoa que detecte ou sospeite unha situación de violencia.
“A responsabilidade é de todas e todos. Non podemos permitir máis mortes, máis medo, máis silencio”, concluíu Rivas.