A fachada da Subdelegación do Goberno nA Coruña loce desde hai uns días a bandeira LGTBI+ nun xesto simbólico de apoio a este colectivo. Con esta acción, segundo destacou a subdelegada María Rivas, “o Goberno de España quere visibilizar a súa aposta firme pola defensa dos dereitos e liberdades de todas as persoas, sen importar a súa orientación sexual ou identidade de xénero”.
Rivas apuntou a importancia de continuar avanzando cara a unha sociedade máis xusta e igualitaria, na que se recoñezan e respecten as diversas realidades afectivo-sexuais. “Non hai lugar para o odio, a discriminación nin o retroceso. Os dereitos do colectivo LGTBI+ son dereitos humanos, e como talles deben ser protexidos”, sinalou a subdelegada.
Ao longo dos últimos anos, o Goberno de España impulsou políticas pioneiras en materia de igualdade e diversidade, como a aprobación da Lei Trans ou a Estratexia Estatal LGTBI+, consolidando así ao país como referente internacional na defensa dos dereitos do colectivo.