A subdelegada do Goberno nA Coruña, María Rivas, recibiu esta mañá na Subdelegación ao director entrante da Escola de Especialidades da Estación Naval dA Graña (ESENGRA), en Ferrol, o capitán de Navío José Manuel Faraldo Sordo, que substituirá no posto ao capitán de Navío José Luís Guevara Romero, quen tamén acudiu para despedirse.
A substitución na dirección, que terá lugar o vindeiro luns, supón o inicio dun novo destino para Faraldo Sordo ao que a subdelegada lle desexou o maior dos éxitos no seu desempeño. Así mesmo, agradeceu o traballo realizado no cargo de Guevara Romeu quen lle entregou a metopa da ESENGRA á Subdelegada.
José Manuel Faraldo Sordo é diplomado de Estado Maior. Realizou un curso alta xestión de RRHH. Master en Política de Defensa e Seguridade Internacional. (Universidade Complutense) e ten o Diploma de Aptitude en Técnicas Pedagóxicas. Actualmente é xefe da Sección de Coordinación e Control da Dirección de Ensino Naval ata que asuma a dirección da ESENGRA.
José Luis Guevara Romero é diplomado de Estado Maior, coa especialidade complementaria de Armas Submarinas. Oficial de Acción Táctica e ten o Diploma de Aptitude de Técnicas Pedagóxicas. Antes de ser director da ESENGRA foi Comandante da Fragata “Navarra”, e dos patrulleiros “Sentinela” e “Tabarca”.