El delegado do Goberno en Galicia, Pedro Blanco, visitou no porto da Coruña o buque de asalto anfibio Santo Giorgio, da Mariña italiana. Foi recibido polo comandante do barco, Alberto Fiorentino, e estivo acompañado polo delegado de Defensa, Jesús Ángel Paz; o xeneral xefe da Garda Civil en Galicia, Miguel Ángel González Arias, ou o presidente da Autoridade Portuaria da Coruña, Martín Fernández Prado.
Pedro Blanco destacou a total sintonía e colaboración entre as Forzas Armadas españolas e as italianas, destacando a entidade e presenza internacional de España. Agradeceu a cortesía e o convite aos representantes italianos e correspondeulles ao lembrar que teñen "unha segunda casa" en Galicia e en España.