El subdelegado do Goberno en Ourense, Eladio Santos, instou este martes a fomentar "a conciencia dixital" entre nenos e mozos mediante iniciativas como a dos carnés ciberexpert@s. Fíxoo durante o acto de entrega destes distintivos aos alumnos e alumnas de sexto de primaria de catro centros educativos da cidade de Ourense: CEIP Plurilingüe Seixalbo, CEIP Las Mercedes, CPR La Purísima e CPR Marista Santa María.
"Vivimos nunha era na que a tecnoloxía está nas nosas mans desde idades moi temperás, pero sabemos que internet ten moitos riscos e temos que estar preparados e preparadas para enfrontalos. Por iso son tan importantes programas como este", destacou o subdelegado na súa intervención.
El alumnado foi acreditado co carné ciberexpert@ tras superar os cursos de ciberseguridade incluídos no Plan Director e impartidos pola Policía Nacional para a convivencia e a mellora da seguridade nos centros educativos. "El Goberno de España está comprometido coa protección da infancia e a adolescencia na contorna dixital, polo que é fundamental seguir apostando por iniciativas que eduquen e sensibilicen neste ámbito", subliñou Eladio Santos.
Así, o subdelegado felicitou aos centros educativos e á Policía Nacional, encargada de impartir as charlas e facer as actividades do Plan Director na cidade de Ourense. Tamén se dirixiu ao alumnado para aplaudir a súa implicación na iniciativa. "Agora sodes embaixadores do uso responsable das novas tecnoloxías e estou seguro de que saberedes pór en práctica todo o aprendido", sinalou.
Programa ciberexpert@s
Este programa inclúese dentro do Plan Director, unha iniciativa do Ministerio do Interior que busca previr calquera risco que afecte a seguridade e ao benestar dos e das menores, tanto na escola como na súa contorna.
O programa ciberexpert@s contén diversas actividades nas que os alumnos e alumnas aprenden a navegar dunha forma segura nas redes sociais. A Policía Nacional encárgase de formalos nos ámbitos do ciberacoso, o grooming, a suplantación de identidade ou as adiccións, entre outros. En definitiva, os axentes ensinan aos escolares como minimizar os riscos cos que se atopan no uso diario das tecnoloxías.
Ademais, as actividades tamén van dirixidas á súa contorna familiar, facilitando aos titores ferramentas para facer un uso responsable das redes sociais e unha navegación segura a través de internet.