La subdelegada do Goberno nA Coruña, María Rivas, participou este martes na presentación do V Feira do Automóbil de Agrela, organizada pola Asociación de Empresarios do polígono industrial da Coruña. A cita, que terá lugar do 12 ao 14 de xuño, reunirá a 10 concesionarios oficiais e aspira a superar os milleiros de visitantes das anteriores edicións.
Durante o acto, a representante do Goberno destacou que a feira se converteu nun evento imprescindible tanto para profesionais do sector como para particulares. “É un espazo que dinamiza a economía local e provincial e que serve para visibilizar o esforzo colectivo dun sector estratéxico”, afirmou.
A responsable institucional aproveitou a ocasión para reivindicar unha mobilidade máis sustentable e saudable, destacando que o camiño cara ao transporte sen emisións “debe ser colectivo e inclusivo, apostando pola innovación e o compromiso ambiental”.
En este sentido, puxo en valor o apoio do Goberno ao sector do vehículo eléctrico, a través do Proxecto Estratéxico para a Recuperación e Transformación Económica do Vehículo Eléctrico e Conectado (PERCHE VEC), que canaliza máis de 55 millóns de euros en investimentos en empresas galegas vinculadas ao desenvolvemento tecnolóxico.
También destacou o programa MOVES, co que máis de 5.000 galegos e galegas xa recibiron axudas para adquirir vehículos eléctricos ou instalar puntos de recarga, cun orzamento total de 50 millóns de euros en Galicia.
“Desde as administracións facemos un gran esforzo, pero tamén é clave a implicación do sector. Os concesionarios son unha peza fundamental para informar e animar á cidadanía a dar o paso cara á mobilidade eléctrica”, sinalou.
Finalmente, lembrou que a automoción é unha das industrias máis relevantes para Galicia. “Galicia ten músculo industrial e capacidade de liderado. Eventos como esta feira reafirman ese potencial e axudan a avanzar cara a un modelo produtivo máis verde, innovador e competitivo”, concluíu.
María Rivas destaca en Agrela, nA Coruña, o papel clave do sector da automoción nunha mobilidade sustentable
04/06/2025
La V Feira do Automóbil celebrarase entre o 12 e o 14 de xuño, con 10 concesionarios participantes La subdelegada felicitou á asociación de empresarios por consolidar este evento como “referente local e provincial no mundo do motor” Reivindicou o apoio do Goberno ao vehículo eléctrico, con máis de 55 millóns de euros investidos en empresas galegas a través do PERCHE VEC