La subdelegada do Goberno nA Coruña, María Rivas, clausurou o acto da Fundación Inspiring Girls que se celebrou esta tarde na Autoridade Portuaria, na cidade da Coruña.
Rivas aproveitou para agradecer o labor da fundación, que conecta ás nenas con mulleres referentes que comparten as súas experiencias a través de diversas charlas formativas e inspiradoras. “Proxectos como estes son un alicerce fundamental para avanzar cara unha sociedade máis xusta, máis libre e verdadeiramente igualitaria”, sinalou a subdelegada.
Ademais, puxo o foco en seguir traballando e perseguindo ese “propósito claro e poderoso: derrubar os teitos de cristal que persisten nas nosas estruturas sociais e profesionais”.
En ese sentido, resaltou a aposta do Goberno para “construír un mundo de oportunidades, impulsando políticas de igualdade con decisión e valentía”, engadiu.