El delegado do Goberno en Galicia, Pedro Blanco, cualificou hoxe de revolucionaria a entrada en vigor da versión dixital do Documento Nacional de Identidade, que permite a identificación segura da cidadanía a través dos seus dispositivos móbiles.
Pedro Blanco fixo esta valoración durante a apertura da xornada de presentación da aplicación MiDNI, que tivo lugar esta mañá no Complexo Policial de Lonzas. Un acto que contou coa presenza do xefe superior de Policía de Galicia, Pedro Pacheco; e o comisario provincial de Policía Nacional nA Coruña, Carlos Gómez.
El delegado sinalou a importancia de trasladar á sociedade civil o avance que supón a versión dixital do DNI, que ten a mesma validez que a versión física, coa que seguirá coexistindo. Na súa intervención felicitou e puxo en valor o traballo desenvolvido nestes anos pola Policía Nacional e o Ministerio do Interior para deseñar unha aplicación que cumpre os máximos estándares de seguridade e que, desde o pasado 2 de abril, está a disposición do conxunto da cidadanía.
Pedro Blanco puxo este proxecto como exemplo do proceso de modernización da Policía Nacional e dos Corpos e Forzas de Seguridade así como do esforzo do Goberno para facilitar á cidadanía a comunicación coas administracións públicas nunha contorna cada vez máis dixital.
El delegado anticipou que, en pouco tempo, “este sistema de identificación converterase no prioritario na nosa sociedade”, sobre todo cando sexa posible empregar a versión dixital para a identificación en liña, o que se producirá nunha segunda fase de implantación. Tamén advertiu ao resto de administracións e de organismos públicos e privados que antes dun ano deberán ter adaptados os seus sistemas de identificación para ler e aceptar a versión dixital do DNI.
Xornada de Formación
Esta xornada de presentación desenvolveuse diante dunha nutrida representación de policías nacionais das catro provincias e representantes de distintos organismos públicos. A xornada foi impartida polo comisario xefe da División de Documentación da Policía Nacional, Francisco Herrero, unha das persoas responsables da posta en marcha deste proxecto.