El subdelegado do Goberno en Ourense, Eladio Santos, fixo este xoves un chamamento á Garda Civil para reforzar "a incansable loita contra a violencia machista, da que Ourense non é allea". "Os últimos acontecementos na provincia indícannos que temos que estar vixiantes e seguir proporcionando ferramentas ás vítimas, porque é unha secuela imparable", destacou durante o acto de conmemoración do 181 aniversario da fundación da institución, celebrado na Praza Carlos Casares de Xinzo de Limia.
Durante a súa intervención, o subdelegado agradeceu "o sacrificio, a entrega e a profesionalidade" dos homes e mulleres que forman parte de Garda Civil e que fan da provincia de Ourense unha das máis seguras de España. Ademais, indicou que máis de 350 mulleres están a ser protexidas nestes momentos pola Garda Civil en Ourense.
Eladio Santos celebrou que é un día de festa para unha institución "que protexe e coida á cidadanía" e que é "moi querida, valorada e respectada". "Sobre todo aquí, na provincia de Ourense, onde a maioría do territorio é rural e 91 de 92 municipios son competencia da Garda Civil", engadiu.
O Goberno de España, dixo o subdelegado, "é consciente dos retos aos que se enfronta a Garda Civil" e que moitos deles evolucionan coa sociedade, o que require adaptación. Neste sentido, ademais de insistir na loita contra a violencia de xénero, puxo en valor o esforzo dos axentes por levar a seguridade ás estradas da provincia e o seu labor para perseguir a delincuencia e o crime organizado.
También mencionou o gran desafío que supón a ciberdelincuencia, contra a que "a Garda Civil fai un traballo tenaz e moi difícil", tanto para esclarecer eses delitos como para lograr a prevención. "Nunha provincia envellecida como a nosa é moi importante informar á xente sobre as posibles estafas ás que se pode enfrontar ao prender unha pantalla", subliñou.
Finalmente, o subdelegado felicitou a todos os gardas civís polo seu aniversario e celebrou que cada vez haxa máis mulleres no corpo. "Finalizo cunhas palabras de gratitude e respecto. Grazas pola o voso labor e por estar sempre o lado do pobo", concluíu.