La subdelegada do Goberno en Lugo, Isabel Rodríguez, coordinou esta mañá o dispositivo de seguridade para garantir o bo desenvolvemento do ‘MXGP Galicia 2025 - Campionato do Mundo’, que contará coa presenza e colaboración das Forzas e Corpos de Seguridade do Estado.
Isabel Rodríguez presidiu a Xunta de Seguridade na Subdelegación do Goberno coa participación de todos os axentes implicados na organización deste premio que se celebrará en Lugo os días 10 e 11 de maio. Así, conformaron a xunta o concelleiro de Deportes, Jorge Bustos, membros da Policía Local, Protección Civil, subsector de Tráfico, Policía Nacional, Garda Civil e SPEIS de Lugo, ademais dos organizadores da competición.
El evento deportivo, ata agora nacional, é por primeira vez de índole mundial. O aforo do recinto que acolle a cita, o Circuíto Jorge Prado, é de 7.000 persoas.
Organizado por Last Lap, o premio contará con 200 piloto participantes en catro categorías: MXPG, categoría máxima; MX2, mozos menores de 23 anos; MXW Women, a categoría feminina; e o Campionato de Europa de 250 c.c., a fórmula 2 do motocrós.