La subdelegada do Goberno nA Coruña, María Rivas, destacou en Negreira o esforzo do Goberno pola Educación pública, que impulsa a través das bolsas e coa Formación profesional como base. María Rivas visitou a Feira das Profesións 2025, que organizan varios centros educativos da comarca no IES Xulián Magariños de Negreira, xunto ao alcalde desta localidade, Manuel Ángel Leis.
María Rivas trasladou o compromiso do Goberno de España coa educación, cos centros educativos e coas familias. Aproveitou o espazo da Feira das Profesións para lembrar á mocidade e ás familias que teñen dispoñibles as bolsas do Ministerio de Educación ata o 14 de maio. Estas axudas están dotadas con 2.544 millóns de euros para o próximo curso, a cifra máis alta da historia, e deixaron en Galicia no período anterior un total de 132 millóns, o que supón incrementar o investimento nesta partida un 59% en oito anos.
No só iso, o Goberno tamén subiu o importe medio das bolsas en Galicia un 47%, alcanzando os 2.637 euros de media por familia. “Queda patente, con todos estes avances en materia educativa, que o Goberno está coas familias, pois sabe que o futuro deste país pasa pola súa mocidade”, valorou a subdelegada.
Ademais, María Rivas destacou a gran aposta que está a facer o Goberno, coa ministra Pilar Alegría á fronte, pola Formación Profesional a través da súa nova lei. La valorou como unha das saídas máis atractivas para a xente nova na actualidade. Destacó que o Goberno traballa por facer dela “a base dos empregos cualificados do futuro” e animou á mocidade a interesarse por ela.
Unha iniciativa de gran interese
La subdelegada felicitou aos centros por esta proposta, que busca motivar ao alumnado coa súa formación e informalo ante unha decisión tan importante para o seu futuro como a elección dos estudos que van completar nos próximos anos e que lles darán unha profesión.
Destacou o espírito de servizo público que ten a acción da Feira das Profesións, pois non só está orientada aos mozos e ás novas, tamén a persoas adultas que desexan mellorar nas súas posibilidades de inserción laboral, servíndose de talleres para as elaboracións de currículos ou sobre autoemprego, que terán lugar na tarde de hoxe.
Puso en valor, ademais, a coordinación entre os centros organizadores, o IES Plurilingüe de Ames e o IES de Brión, ademais do IES Xulián de Magariños, onde se realiza o certame. “Esa coordinación e traballo conxuntos fan un mundo mellor, comezando pola base, que son os estudos e a xente nova”, apuntou María Rivas.
A subdelegada valorou tamén a gran cantidade de profesionais, centros educativos de todo tipo e institucións que están presentes no evento, destacando a presenza das Forzas Armadas, a Garda Civil e a Policía Nacional no mesmo.