La subdelegada do Goberno nA Coruña, María Rivas, clausurou o IV Congreso Internacional de Criminalística Aplicada, que se celebrou no Pazo de Mariñán, en Bergondo, e estivo orientado á seguridade nas zonas rurais. A subdelegada destacou o traballo das forzas de seguridade nos pequenos concellos, onde o papel de corpos como a Garda Civil é clave para vertebrar o rural e manter o benestar dos veciños e veciñas.
María Rivas puxo en valor as accións do Goberno para dotar de servizos públicos aos pequenos concellos, en especial as que está a desenvolver en colaboración cos corpos de seguridade, tal como as iniciativas 'Non camiñas soa', de protección contra a violencia machista no Camino de Santiago, ou a que leva a cabo a Policía a través das VIDOC, vehículos que permiten renovar documentos de identidade como o DNI ou o pasaporte en calquera lugar no que se instalen.
Ademais, a subdelegada destacou a importancia do foro para a provincia, "facendo dela, dalgunha maneira, o laboratorio de ideas da seguridade a nivel mundial".