El subdelegado do Goberno en Ourense, Eladio Santos, participou esta mañá na visita institucional á Feira de Emprego que a Universidade de Vigo organiza durante o día de hoxe no Campus de Ourense.
Eladio Santos destacou a participación da Subdelegación do Goberno na mesma, xa que conta cun espazo informativo no que persoal da Subdelegación, encabezado polo Secretario Xeral, Manuel Arias, informa o alumnado e visitantes da importante alternativa laboral que supón a Oferta de Emprego Público da Administración Xeral do Estado, así como sobre as bolsas a universitarios que concede o Ministerio de Educación de face ao curso 2025/2026 e da carta de servizos da propia Subdelegación do Goberno, co fin de achegar á cidadanía todos os servizos e trámites que se levan a cabo na mesma. “A Subdelegación mantén conexión permanente co Campus de Ourense, tamén levando a esta fera a oferta de traballo da Administración Xeral do Estado e as posibilidades de continuar a formación e contratos de traballo posdoctorais”, destacou.
Así mesmo, puxo en valor o traballo do campus ourensán con esta iniciativa que “conecta aos estudantes que están a finalizar ou coa perspectiva de finalizar co mundo da empresa, coas diferentes saídas profesionais e co mundo do comprado laboral en xeral. É unha iniciativa que demostra, unha vez máis, a dedicación e o obxectivo do Campus de Ourense polo alumnado”, dixo Santos.
Durante a visita á Feira de Emprego, o subdelegado estivo acompañado polo reitor da Universidade de Vigo, Manuel Reigosa; a directora xeral de Formación e Cualificación para o Emprego da Xunta de Galicia, Zeltia Lado; o subdelegado de Defensa en Ourense, Jesús Antonio Peñas Preckler; a concelleira de Educación, Tamara Silva, o deputado provincial, Rosendo Fernández; a vicerreitora de Estudiantado e Empregabilidade, Natalia Caparrini; e o vicerreitor do Campus de Ourense,Francisco Javier Rodríguez.