El delegado do Goberno en Galicia, Pedro Blanco, mantivo hoxe unha reunión con representantes da Plataforma Veciñal “Santa Marta Segura”, encabezados polo seu presidente, José Manuel López, para escoitar as inquietudes que este grupo de recente creación ten sobre este barrio, en particular as relacionadas coa seguridade cidadá. Xunto ao delegado, tamén participou nesta reunión a subdelegada do Goberno nA Coruña, María Rivas.
Pedro Blanco reiteroulles tanto ao presidente da Plataforma como a un membro do grupo de traballo, que o acompañaba, o compromiso da Policía Nacional de Santiago coa protección das persoas e bens da capital de Galicia, e trasladoulles unha mensaxe de confianza na profesionalidade e no servizo dos profesionais desta Comisaría.
A reunión serviu tamén para reforzar a comunicación entre a veciñanza e as autoridades, de face a seguir mantendo unha colaboración permanente diante das preocupacións deste colectivo. O presidente da Plataforma entregoulle ao delegado unha copia das 5.612 firmas que conseguiu esta agrupación en 20 días e que manifestan o seu apoio ás reivindicacións da Plataforma.