O delegado do Goberno en Galicia, Pedro Blanco, mantivo esta mañá unha intensa e proveitosa reunión de traballo co alcalde de Lugo, Miguel Fernández, na que actualizou os compromisos do Goberno de España coa cidade, que superan os 66 millóns de euros en investimentos directos e abarcan áreas como as infraestruturas, vivenda, mobilidade, servizos públicos, violencia machista e memoria democrática.
Durante o encontro, no que tamén estiveron a subdelegada do Goberno en Lugo, Isabel Rodríguez, e o concelleiro de Urbanismo, Jorge Bustos, Pedro Blanco destacou a colaboración institucional como chave para consolidar o Lugo do futuro, unha cidade que “emprendeu Lara Méndez, impulsou Paula Alvarellos e que seguro que vai consolidar o novo alcalde”.
En ese sentido, trasladou unha mensaxe persoal do presidente Pedro Sánchez ao rexedor e á veciñanza lucense: “Todo o agarimo e todo o compromiso deste Goberno para consolidar o Lugo no que estamos a traballar man a man”.
En materia de infraestruturas, analizáronse proxectos en execución e novos investimentos en marcha como a nova Estación Intermodal (30,9 millóns), a modernización ferroviaria Ourense-Monforte-Lugo (650 millóns, dos cales unha parte relevante repercute directamente na cidade), a construción de 204 vivendas públicas e a rehabilitación doutras 57, o proxecto de peonalización do centro histórico (Corazón Verde), ou a nova comisaría da Policía Nacional.
Nesta liña, o delegado avanzou que o Ministerio do Interior xa é titular da parcela cedida polo concello na que se construirá o novo edificio da comisaría. Así mesmo, no relativo ás estradas o delegado trasladou o compromiso do Ministerio de Transportes de “ter finalizados os traballos de conservación da Ponte Branca antes de que finalice o verán para a súa posta a punto previa á cesión ao Concello”.
Ademais, tamén informou de que se levará a cabo este mesmo ano a iluminación da rotonda de Nadela, e comprometeuse a trasladar ao Ministerio a pedimento do alcalde de conectar róldaa norte e o polígono dAs Gándaras. Segundo subliñou Pedro Blanco, “o global das actuacións compartidas con outras cidades da provincia e que benefician a todos os lucenses suma un investimento total en materia de infraestruturas e servizos de máis de 746 millóns de euros”.
Visita ás obras de peonalización e ao Vello Cárcere
Durante a xornada, o delegado visitou tamén as obras do proxecto Corazón Verde, que conta cun investimento estatal de máis de 4,4 millóns de euros e permitirá transformar o centro histórico nunha zona de baixas emisións, priorizando o uso peonil.
La xornada institucional finalizou coa inauguración oficial do restaurante Brión, situado no edificio do Vello Cárcere, onde Branco estivo acompañado por membros do goberno local. O alcalde explicou que solicitará que o inmoble sexa recoñecido como Lugar de Memoria Democrática, simbolizando o compromiso coa memoria e a cultura da cidade.