El delegado do Goberno en Galicia, Pedro Blanco, participou hoxe na festividade de Santo Raimundo de Peñafort, organizada polo Ilustre Colexio da Avogacía de Santiago de Compostela. Reivindicou a importancia da avogacía para dar lugar a unha sociedade máis xusta e plena de dereitos.
Pedro Blanco felicitou aos novos avogados e avogadas que xuraron ou prometeron a profesión, así como aos profesionais homenaxeados pola súa traxectoria e á asociación ACEM Santiago, galardoada co XV Premio Dereitos Humanos do Ilustre Colexio da Avogacía de Santiago de Compostela. Destacou o seu "esencial" labor e chamou a seguir mellorando a vida dos galegos e galegas co Goberno ao seu lado, "que recentemente aprobou a lei do ELA, saldando unha histórica débeda coas súas enfermas e enfermos".