O delegado do Goberno en Galicia, Pedro Blanco, destacou en Santiago de Compostela o compromiso do Goberno cos servizos públicos básicos no rural de Galicia, onde despregará unidades móbiles da Policía Nacional para a expedición e renovación de DNI e pasaportes. Pedro Blanco presentou hoxe estas unidades, os Vehículos Integrais de Documentación da Policía Nacional (VIDOC), na compostelá Praza do Obradoiro xunto a subdelegada do Goberno nA Coruña, María Rivas e o xefe superior de Policía de Galicia, Pedro Pacheco, quen estivo acompañado pola comisaria xefa da Comisaría de Santiago, Nuria Palacios.
Pedro Blanco detallou que a Policía destina seis destes vehículos a Galicia, os cales percorrerán polo menos 75 municipios carentes de comisaría, con posibilidade de sumar máis, para prestar servizos de documentación exclusivos delas como a renovación e expedición do DNI e dos pasaportes. Este último é un servizo que ata o momento non podía ser realizado fóra das dependencias policiais.
Cualquiera dos dous documentos poderá estar listo en apenas dez minutos, mentres que ata agora era preciso para facerse cun DNI desde o rural un día para a pegada dactilar, outro para a impresión nunha comisaría e un terceiro para a entrega.
Durante o acto de presentación, a subdelegada do Goberno renovou o seu propio DNI para comprobar a funcionalidade deste sistema.
“O Ministerio do Interior permite con este novo proxecto da Policía que a cidadanía do rural teña as mesmas capacidades que a urbana”, sinalou o delegado, facendo fincapé en que o Goberno logra, con medidas como esta, “pór á Administración ao total servizo da sociedade, facéndoa máis eficaz, útil e próxima”.
En ese sentido destacou programas como a ‘Administración preto de ti’, que permite tamén realizar trámites propios das oficinas administrativas nas dependencias municipais das vilas do rural. Todas estas accións “supoñen un antes e un despois para a veciñanza dos pequenos concellos, saldando unha débeda histórica con ela ao achegarlle ás portas das súas casas servizos polos que antes se tiñan que desprazar, perdendo tempo e recursos”.
Pedro Blanco fixo fincapé en que o Goberno reforza a igualdade de oportunidades e fortalece a cohesión social e territorial transformando Galicia e España. Xusto por iso, puxo en valor a sensibilidade social do ministro Fernando Grande-Marlaska e agradeceu á Policía Nacional o seu traballo.
Las VIDOC prestarán servizo de luns a venres de maneira habitual. A Xefatura Superior de Policía fixará os lugares de desprazamento e serán os concellos quen confeccione a relación de cidadáns citados.