Pontevedra, 26 de marzo de 2025.- El subdelegado do Goberno en Pontevedra, Abel Losada, advirte dos perigos dos investimentos en criptomoedas e dá a voz de alerta unha vez que as cifras das comisarías da Policía Nacional e do Comandancia da Garda Civil da provincia demostran que as ciberestafas con esta modalidade alcanzaron os 3.235.679 euros ao longo do ano pasado. Un total de 117 persoas foron enganadas polos @delincuente e perderon o seu diñeiro.
Losada tamén advirte de que os datos provisionais do que vai de ano demostran que o impacto desta delincuencia especializada non deixa de crecer, polo que considera necesario alertar á poboación dos riscos de confiar en asesores, axencias ou falsos “brokers” en liña sen o debido asesoramento e sen ningunha garantía. “Están a chegar moitas denuncias de persoas que, unha vez que perden o seu diñeiro, vén como se lles reclaman pagos adicionais para recuperar o seu investimento e volven ser estafadas”.
El subdelegado considera que é un fenómeno extremadamente preocupante porque afecta a persoas do rural e do urbano, a xente con capacidades económicas moi distintas e mesmo as persoas de todos os niveis de formación académica ou profesional. “Los responsables policiais din que estamos diante do “timo da estampita” do século XXI porque se ofrecen altísimas rendibilidades de maneira case inmediata nun “negocio seguro” e, por incrible que pareza, segue funcionando”.
Os datos evidencian que a estafa de menor importe na provincia foi de 248 euros e produciuse na cidade de Pontevedra e a máis elevada alcanzou os 356.000 euros e foi recollida pola Garda Civil. No entanto tamén hai cinco denuncias na provincia por importe superior aos 100.000 euros. O subdelegado lamenta que hai denunciantes que informan de que teñen perdidos todos os seus aforros, polo que insiste na prudencia antes de lanzarse a este tipo de investimentos.
A Garda Civil recolleu un total de 59 denuncias e rexistrou a perda dun total de 1.647.186 euros na provincia. Na Comisaría da Policía Nacional de Pontevedra rexistráronse 30 denuncias e un volume de 573.452 euros estafados. Na Comisaría de Vigo-Redondela, un total de 853.941 euros e 20 denuncias. Na Comisaría de Vilagarcía presentáronse 7 denuncias por un importe de 148.000 euros. Finalmente, na Comisaría de Marín rexistrouse unha denuncia por valor de 13.100 euros.
Os “modus operandi” é unha captación inicial na que os estafadores contactan coas vítimas a través das redes sociais, correos electrónicos, anuncios publicitarios ou chamadas telefónicas nas que se presentan como “brokers”, asesores financeiros ou representantes de plataformas lexítimas. Utilizan identidades falsas e prometen sempre alta rendibilidade con baixo risco, advirte Abel Losada, quen subliña que en moitas ocasións as persoas estafadas son convencidas de que non poden deixar escapar unha “ocasión única”.
Os ciberdelincuentes adoitan pedir un primeiro investimento de contía modesta e solicitan os datos persoais do investidor, simulando procesos lexítimos. A seguir informan de ganancias ficticias para xerar confianza. As vítimas ao ver o seu investimento crecer senten motivadas e entregan máis diñeiro. Mesmo créanse portais web con gráficos manipulados e testemuñas falsas de investidores de éxito para seguir xerando confianza. Creado este vínculo anímase as vítimas a aumentar o investimento, prometendo maiores beneficios.
Cuando a vítima pretende recuperar o seu diñeiro comezan as escusas, bloquéanse os fondos alegando problemas técnicos ou mesmo solicitando pagos adicionais en concepto de comisións ou impostos, pagos adicionais que, en moitas ocasións, realízanse. Finalmente, córtase o contacto e os estafadores desaparecen sen deixar rastro.