La subdelegada do Goberno nA Coruña, María Rivas, presidiu hoxe coa alcaldesa de Cambre, María Pan, a Xunta Local de Seguridade do municipio na que acordaron reforzar a colaboración entre a Garda Civil de Tráfico e a Policía Local para reforzar a seguridade nas estradas da localidade.
María Rivas explicou que a Xunta Local de Seguridade acordou ratificar o acordo entre ambas as institucións e a Dirección Xeral de Tráfico polo cal a Garda Civil de Tráfico asume as competencias de vixilancia e seguridade viaria nalgunhas das estradas de titularidade municipal, unha medida excepcional que, como indicou a subdelegada, pode reverterse no momento no que o cadro de persoal da Policía Local permita prestar novamente este servizo con garantías.
La subdelegada e a alcaldesa, acompañados dos representantes das Forzas e Corpos de Seguridade e da Policía Local, tamén repasaron os datos de seguridade do municipio, “un concello seguro, como demostra a súa taxa de criminalidade (28 delitos por mil habitantes), que está máis de 10 puntos por baixo da media da provincia e da de Galicia, que é a terceira comunidade máis segura do Estado”, indicou Rivas.
María Rivas indicou que estes datos son froito do bo traballo e da colaboración das Forzas e Corpos de Seguridade e da Policía Local, que animou a seguir reforzando. Tamén destacou a boa acollida do Plan Director para a Convivencia Escolar no concello, que promove charlas formativas a cargo de axentes da Garda Civil e da Policía Nacional nos centros de ensino e que, no caso de Cambre, acolleron o pasado curso os 7 centros escolares do municipio. En total, desenvolvéronse un total de 56 actividades nas que participaron 1.322 persoas, entre alumnado, pais, nais e titores e profesorado. Nelas abordáronse temas como o acoso escolar, a violencia de xénero, o consumo de drogas e alcol ou o uso das novas tecnoloxías.
VioGén
La subdelegada e a alcaldesa de Cambre tamén analizaron os datos proporcionados polo sistema de protección de vítimas VioGén na provincia da Coruña, que conta na actualidade con 2.685 casos activos de violencia de xénero. “Detrás de cada un destes casos hai unha muller que é unha prioridade para o Goberno. Todo o traballo é pouco para garantir a súa protección”, apuntou Rivas, que incidiu en que a colaboración e a coordinación por parte de todas as institucións é indispensable na loita contra a violencia de xénero.
A subdelegada destacou que Cambre é un dos 52 concellos que conta cunha Mesa de Coordinación Interinstitucional Contra la Violencia de Género e forma parte ademais do Sistema VioGen. Neste sentido, aproveitou para analizar a situación da violencia de xénero no municipio e para lembrar lembrou que o Concello de Cambre recibiu desde o ano 2018 a cantidade de 104.773€ no marco do Pacto de Estado contra a Violencia de Xénero para o desenvolvemento de actividades para a prevención e sensibilización nesta materia.
“Todas as administracións e institucións temos que traballar da man para conseguir pór a disposición das vítimas todos os recursos necesarios para axudalas a saír desa situación e garantirlles o dereito a unha vida sen medo, a elas e as súas familias” concluíu Rivas.