La subdelegada do Goberno nA Coruña, María Rivas, destacou nas Somozas o impulso que os fondos de Transición Justa están a dar á transformación industrial do concello e de Ferrolterra. Facer durante unha visita institucional ao Concello, onde foi recibida polo alcalde, Juan Alonso Tembrás, con quen repasou os investimentos do Goberno na localidade. Ademais tivo ocasión de asinar no Libro de Honra do municipio.
María Rivas aproveitou a visita para lembrar que o Goberno investiu preto de catro millóns de euros nas Somozas a través destes fondos, 971.824,35 euros na rehabilitación das antigas escolas municipais para transformalas en vivendas sociais e equipamentos para a veciñanza, e outros 3 millóns de euros para que a empresa Recinor Valogreene levante na localidade unha planta de tratamento de residuos que leva aparellada a creación de 25 postos de traballo. “Son parte dos preto de 20 millóns de euros que o Goberno inviste na provincia a través do Ministerio de Transición Ecolóxica para proxectos nos territorios afectados polo peche das centrais térmicas das Pontes e de Meirama, en Cerceda”, apuntou a subdelegada.
“Son fondos chamados a transformar estes territorios e a mellorar a calidade de vida dos veciños e veciñas das Somozas e de Galicia; 20 millóns de euros en total que reafirman o compromiso do Goberno coa transformación do modelo produtivo por outro máis respectuoso co medio ambiente; coa creación de emprego e coa fixación de poboación nestas comarcas”, destacou a subdelegada.
Ademais, indicou que o Instituto para a Transición Xusta tamén ten en marcha un programa cultural, Dinamiz-ARTj, unha iniciativa enfocada a xerar oferta cultural e emprego nestes territorios e que, no caso das Somozas, ofreceu nesta segunda edición dez actuacións musicais, de teatro e de contacontos, gratuítas e para todos os públicos.
Entrega de MAVI
Tras a visita ao Concello, a subdelegada, acompañada do alcalde e da xefa da Unidade Contra a Violencia sobre a Muller da Subdelegación, Manuela Vilaboy, desprazáronse ao Centro Cívico da localidade para facer entrega da Maleta Viaxeira contra a Violencia de Xénero (MAVI), “unha ferramenta esencial para favorecer un pensamento crítico ante estereotipos e roles de xénero que se perpetúan socialmente e promoven a violencia de xénero”, destacou Rivas.
La maleta contribuirá as actividades municipais, permanecendo nas Somozas durante os próximos tres meses. Son 15 libros, 6 títulos de lectura infanto-xuvenil como por exemplo ‘Hai algo máis aburrido que ser unha princesa rosa?’, de Raquel Díaz Regueira, ou ‘Contos para as boas noites para nenas rebeldes’, de Elena Favilli e Francesca Cavallo. 9 libros para persoas adultas, entre os que figuran ‘Mentiras para ser unha muller de verdade. Manual para principiantes’, de Rocío Salazar, e ‘Aqueles días en que mos era malas’, de Inma López Silva.
La última novidade é a incorporación da colección de ilustracións ‘Mujeres Valientes’ cedida por Rosa de Cabanas, representando a mulleres coñecidas pero tamén anónimas, referentes en diferentes momentos históricos. Escritoras, pintoras, científicas, arquitectas, escultoras, costureiras, mestras ou activistas en moitas ocasións silenciadas pola historia.
Las persoas lectoras que así o desexen teñen ademais ao seu dispor un diario de MAVI no que poden recoller a súa experiencia ou realizar suxestións. O obxectivo é que contribúan a enriquecer a iniciativa, que pretende ser dinámica e mellorar ao longo do seu percorrido. De feito, María Rivas informou de que son varios os concellos que están a enriquecer o contido da maleta engadindo publicacións propias que teñen a mulleres locais como protagonistas, ampliando así o catálogo de títulos dispoñibles e permitindo que sexan coñecidas no resto dos concellos da provincia.
Os obxectivos da MAVI son achegar á veciñanza a lectura sobre temas de feminismo, violencia sobre a muller, empoderamiento ou autoestima; favorecer o pensamento crítico ante os roles e estereotipos de xénero; favorecer a lectura como ferramenta para a igualdade; sensibilizar en materia de violencia de xénero e favorecer a lectura de textos escritos por mulleres, de forma que a sociedade teña referentes femininos no ámbito da cultura.
En este sentido, María Rivas incidiu en que “iniciativas como a da maleta viaxeira fanse imprescindibles para seguir fomentando a igualdade e concienciando sobre a necesidade avanzar na loita contra a violencia machista”. Tamén lembrou que todos os libros incorporan dous códigos QR que remiten á páxina da Delegación do Goberno contra a Violencia de Xénero e outro á información dos puntos violeta do Ministerio de Igualdade.
MAVI iniciou a súa viaxe en Vimianzo en 2022 e desde entón ten percorrido 14 concellos da provincia, o Centro de Inserción Social da Coruña, e a ONG Fiet e continúa a súa viaxe, posto que na actualidade conta con máis de 30 solicitudes.